Rapport frå vandretur Sagene til Syrdalen

Været var på vår side denne søndagen etter kraftig regnvær tidleg på dagen. Då deltakarane , 35 i talet møtte opp på Sagenestranda, kom sola fram. Etter velkomstord frå Odd Thunes overtok Lars Eivind Augland. Han tok oss med på ei reise frå jordas dannelse, om forming av landskapet etter is-tida, om landheving og forming av kulturlandsskapet. Undervegs på turen fortalde han om ulike bergarter og mineraler. Vi såg på pegmatitt-ganger beståande av kvarts og feltspat. Fleire stader i Austre Moland var det betydelege forekomster av pegmatitt som gav grunnlag for gruvedrift med utvinning av kvarts og feltspat. Frå Persstrand ved Sagene var det utskiping av mineraler, kvarts som blei brukt til slipestoff og feltspat som blei brukt til porselen i København.. Lars Eivind var god til å formidle og undervegs såg vi på bergartane gabbro, granatgneis og smuldra granatgneis rett ved Syrdalen. I den flotte hagen i Syrdalen varta Inger Thunes opp med brus, kaffi, boller og kringle. Odd orienterte litt om Syrdalen og om rutebåtene Turist, Odd 1 og Odd 2 som gjekk frå Syrdalen til Arendal frå 1913 til 1936. Eit triveleg og lærerikt arrangement.